{"id":76248,"date":"2026-01-28T19:43:24","date_gmt":"2026-01-28T19:43:24","guid":{"rendered":"https:\/\/permbledhja.com\/?p=76248"},"modified":"2026-01-28T19:43:24","modified_gmt":"2026-01-28T19:43:24","slug":"uefa-dhe-fifa-ffk-ka-harmonizuar-statutin-mos-u-perzini-ne-punet-e-saj","status":"publish","type":"post","link":"https:\/\/permbledhja.com\/sq\/uefa-dhe-fifa-ffk-ka-harmonizuar-statutin-mos-u-perzini-ne-punet-e-saj\/","title":{"rendered":"UEFA dhe FIFA: FFK ka harmonizuar statutin, mos u p\u00ebrzini n\u00eb pun\u00ebt e saj"},"content":{"rendered":"

Federata Nd\u00ebrkomb\u00ebtare e Futbollit (FIFA) dhe Unioni i Federatave Evropiane t\u00eb Futbollit (UEFA) kan\u00eb konfirmuar zyrtarisht se Federata e Futbollit e Kosov\u00ebs ka amendamentuar statutin e saj n\u00eb p\u00ebrputhje t\u00eb plot\u00eb p\u00ebr harmonizim me k\u00ebrkesat e UEFA-s dhe FIFA-s dhe Ligjin nr. 08\/L-277 p\u00ebr Sportin, rekomandimet dhe k\u00ebrkesat e nxjerra nga Ministria e Kultur\u00ebs, Rinis\u00eb dhe Sporti.<\/strong><\/p>\n

N\u00eb nj\u00eb shkres\u00eb t\u00eb p\u00ebrbashk\u00ebt drejtuar presidentit t\u00eb FFK-s\u00eb, Agim Ademi, FIFA dhe UEFA theksojn\u00eb se k\u00ebto ndryshime jan\u00eb rezultat i nj\u00eb procesi konsultimi gjith\u00ebp\u00ebrfshir\u00ebs nd\u00ebrmjet FIFA-s, UEFA-s, FFK-s\u00eb dhe Ministris\u00eb s\u00eb Kultur\u00ebs, Rinis\u00eb dhe Sportit, duke rikujtuar se p\u00ebrfaq\u00ebsues t\u00eb dy institucioneve kan\u00eb qen\u00eb t\u00eb pranish\u00ebm n\u00eb t\u00eb gjitha Kuvendet e FFK-s\u00eb ku jan\u00eb miratuar ndryshimet statutore.<\/p>\n

N\u00eb t\u00eb nj\u00ebjt\u00ebn koh\u00eb, FIFA dhe UEFA n\u00ebnvizojn\u00eb r\u00ebnd\u00ebsin\u00eb e respektimit t\u00eb parimeve t\u00eb pavar\u00ebsis\u00eb institucionale dhe zhvillimit t\u00eb procesit zgjedhor t\u00eb FFK-s\u00eb pa asnj\u00eb nd\u00ebrhyrje t\u00eb padrejt\u00eb nga pal\u00eb t\u00eb treta, duke sqaruar se \u00e7do vendim q\u00eb lidhet me qeverisjen dhe an\u00ebtar\u00ebsin\u00eb e FFK-s\u00eb bie ekskluzivisht n\u00eb kompetenc\u00ebn e organeve t\u00eb saj statutare.<\/p>\n

Po ashtu, FIFA dhe UEFA konfirmojn\u00eb se p\u00ebrfaq\u00ebsuesit e tyre do t\u00eb jen\u00eb t\u00eb pranish\u00ebm n\u00eb Kuvendin Zgjedhor t\u00eb FFK-s\u00eb m\u00eb 5 shkurt 2026, p\u00ebr t\u00eb v\u00ebzhguar zhvillimin e procesit n\u00eb p\u00ebrputhje me Statutin e FFK-s\u00eb.<\/p>\n

M\u00eb posht\u00eb gjeni shkres\u00ebn e plot\u00eb t\u00eb FIFA-s dhe UEFA-s drejtuar FFK-s\u00eb:<\/p>\n

N\u00eb v\u00ebmendje t\u00eb: z. Agim Ademi, President<\/em><\/p>\n

28 janar 2026<\/em><\/p>\n

I nderuar z. Ademi,<\/em><\/p>\n

I referohemi letr\u00ebs suaj t\u00eb dat\u00ebs 19 janar 2026, lidhur me emailin e pranuar m\u00eb 12 janar 2026 nga Komisioni p\u00ebr Licencimin e Federatave Sportive t\u00eb Ministris\u00eb s\u00eb Kultur\u00ebs, Rinis\u00eb dhe Sportit (MKRS), n\u00eb lidhje me thirrjen e Kuvendit Zgjedhor t\u00eb Federat\u00ebs s\u00eb Futbollit t\u00eb Kosov\u00ebs (FFK), i cili \u00ebsht\u00eb planifikuar t\u00eb mbahet m\u00eb 5 shkurt 2026.<\/em><\/p>\n

N\u00eb k\u00ebt\u00eb kontekst, rikujtojm\u00eb se ndryshimet n\u00eb Statutin e FFK-s\u00eb fillimisht jan\u00eb miratuar n\u00eb Kuvendin e Jasht\u00ebzakonsh\u00ebm t\u00eb mbajtur n\u00eb Prishtin\u00eb m\u00eb 27 janar 2023, duke prezantuar nj\u00eb s\u00ebr\u00eb reformash thelb\u00ebsore q\u00eb synonin forcimin e ndjesh\u00ebm t\u00eb qeverisjes dhe t\u00eb korniz\u00ebs statutare dhe rregullative t\u00eb FFK-s\u00eb.<\/em><\/p>\n

M\u00eb tej, FFK ka mbajtur Kuvendin e Rregullt m\u00eb 20 shkurt 2024, gjat\u00eb t\u00eb cilit ka miratuar Kodin Zgjedhor t\u00eb FFK-s\u00eb dhe ka zgjedhur an\u00ebtar\u00ebt e Komisionit Zgjedhor. N\u00eb Kuvendin e Rregullt pasues t\u00eb dat\u00ebs 5 shkurt 2025, si dhe n\u00eb Kuvendin e Jasht\u00ebzakonsh\u00ebm t\u00eb mbajtur m\u00eb 11 gusht 2025, jan\u00eb miratuar ndryshime shtes\u00eb statutare me q\u00ebllim t\u00eb harmonizimit t\u00eb Statutit t\u00eb FFK-s\u00eb me parimet dhe rekomandimet e FIFA-s dhe UEFA-s, si dhe me Ligjin nr. 08\/L-277 p\u00ebr Sportin dhe rekomandimet dhe k\u00ebrkesat e nxjerra nga MKRS.<\/em><\/p>\n

P\u00ebrfaq\u00ebsues t\u00eb FIFA-s dhe UEFA-s kan\u00eb marr\u00eb pjes\u00eb n\u00eb t\u00eb gjitha k\u00ebto Kuvende p\u00ebr t\u00eb siguruar q\u00eb proceset p\u00ebrkat\u00ebse jan\u00eb zhvilluar n\u00eb p\u00ebrputhje me standardet e qeverisjes s\u00eb t\u00eb dyja institucioneve.<\/em><\/p>\n

T\u00eb gjitha reformat e lartp\u00ebrmendura, t\u00eb cilat parashihnin ndryshime gjith\u00ebp\u00ebrfshir\u00ebse n\u00eb t\u00eb gjitha nivelet e struktur\u00ebs qeveris\u00ebse t\u00eb federat\u00ebs, kan\u00eb qen\u00eb rezultat i nj\u00eb procesi konsultimi gjith\u00ebp\u00ebrfshir\u00ebs dhe t\u00eb koordinuar, ku kan\u00eb marr\u00eb pjes\u00eb FIFA, UEFA, FFK dhe MKRS. P\u00ebr m\u00eb tep\u00ebr, rezulton se \u00e7do version i rishikuar i Statutit t\u00eb FFK-s\u00eb \u00ebsht\u00eb komunikuar rregullisht te t\u00eb gjitha pal\u00ebt relevante, p\u00ebrfshir\u00eb MKRS-n\u00eb, deri dhe te ndryshimet e fundit t\u00eb miratuara nga Kuvendi i Jasht\u00ebzakonsh\u00ebm m\u00eb 11 gusht 2025.<\/em><\/p>\n

Prandaj, vler\u00ebsojm\u00eb se, duke qen\u00eb se k\u00ebto ndryshime t\u00eb fundit jan\u00eb nd\u00ebrmarr\u00eb pik\u00ebrisht p\u00ebr t\u00eb siguruar p\u00ebrputhshm\u00ebri me legjislacionin vendor p\u00ebr sportin dhe duke pasur parasysh munges\u00ebn e dukshme t\u00eb komenteve apo kund\u00ebrshtimeve nga MKRS p\u00ebr m\u00eb shum\u00eb se pes\u00eb muaj, nuk ka pasur m\u00eb asnj\u00eb tregues p\u00ebr pengesa t\u00eb mundshme n\u00eb p\u00ebrputhje me legjislacionin p\u00ebrkat\u00ebs vendor p\u00ebr sportin.<\/em><\/p>\n

N\u00eb k\u00ebt\u00eb drejtim, e konsiderojm\u00eb tejet shqet\u00ebsuese q\u00eb, pas Kuvendit t\u00eb Jasht\u00ebzakonsh\u00ebm t\u00eb 11 gushtit 2025, MKRS vet\u00ebm m\u00eb 12 janar 2026 \u2013pra vet\u00ebm disa jav\u00eb para zgjedhjeve t\u00eb FFK-s\u00eb t\u00eb planifikuara p\u00ebr m\u00eb 5 shkurt 2026 \u2013ka k\u00ebrkuar ndryshime thelb\u00ebsore n\u00eb Statutin e FFK-s\u00eb, ve\u00e7an\u00ebrisht lidhur me dispozita q\u00eb jan\u00eb futur n\u00eb Statutin e FFK-s\u00eb q\u00eb nga viti 2023 dhe q\u00eb, sipas njohurive tona, nuk jan\u00eb v\u00ebn\u00eb n\u00eb dyshim n\u00eb asnj\u00eb faz\u00eb t\u00eb procesit t\u00eb konsultimit deri m\u00eb tani.<\/em><\/p>\n

N\u00eb k\u00ebt\u00eb kontekst, d\u00ebshirojm\u00eb t\u2019ju t\u00ebrheqim v\u00ebmendjen te neni 14 paragrafi 1 (i) dhe neni 19 i Statutit t\u00eb FIFA-s, si dhe neni 7bis paragrafi 2 i Statutit t\u00eb UEFA-s, t\u00eb cilat k\u00ebrkojn\u00eb q\u00eb Federatat an\u00ebtare t\u2019i menaxhojn\u00eb pun\u00ebt e tyre n\u00eb m\u00ebnyr\u00eb t\u00eb pavarur dhe pa ndikim t\u00eb padrejt\u00eb nga asnj\u00eb pal\u00eb e tret\u00eb. N\u00eb baz\u00eb t\u00eb k\u00ebtyre dispozitave, Federatat an\u00ebtare duhet t\u00eb sigurojn\u00eb, p\u00ebrmes statuteve t\u00eb tyre, nj\u00eb procedur\u00eb demokratike q\u00eb garanton se organet ekzekutive zgjidhen lirsh\u00ebm dhe n\u00eb m\u00ebnyr\u00eb demokratike dhe se t\u00eb gjitha organet e tjera zgjidhen ose em\u00ebrohen n\u00eb m\u00ebnyr\u00eb plot\u00ebsisht t\u00eb pavarur. \u00c7do shkelje e k\u00ebtyre detyrimeve mund t\u00eb \u00e7oj\u00eb n\u00eb sanksione, p\u00ebrfshir\u00eb edhe rastet kur nj\u00eb ndikim i till\u00eb nga pal\u00ebt e treta nuk i atribuohet drejtp\u00ebrdrejt fajit t\u00eb Federat\u00ebs an\u00ebtare.<\/em><\/p>\n

N\u00eb p\u00ebrputhje me k\u00ebt\u00eb, pritshm\u00ebria jon\u00eb e qart\u00eb \u00ebsht\u00eb q\u00eb procesi zgjedhor i FFK-s\u00eb t\u00eb zhvillohet me transparenc\u00eb dhe pavar\u00ebsi t\u00eb plot\u00eb, dhe pa asnj\u00eb nd\u00ebrhyrje t\u00eb padrejt\u00eb nga pal\u00eb t\u00eb treta, n\u00eb p\u00ebrputhje me parimet e qeverisjes q\u00eb zbatohen p\u00ebr t\u00eb gjitha Federatat an\u00ebtare t\u00eb FIFA-s dhe UEFA-s.<\/em><\/p>\n

Po ashtu, n\u00eb p\u00ebrputhje me k\u00ebto parime, d\u00ebshirojm\u00eb t\u00eb theksojm\u00eb se, si\u00e7 p\u00ebrcaktohet n\u00eb Statutin e FFK-s\u00eb, \u00e7do vendim q\u00eb lidhet me p\u00ebrb\u00ebrjen e an\u00ebtar\u00ebsis\u00eb s\u00eb FFK-s\u00eb bie n\u00eb kompetenc\u00ebn ekskluzive t\u00eb Kuvendit t\u00eb FFK-s\u00eb, si organi suprem dhe legjislativ i FFK-s\u00eb, i cili po ashtu duhet t\u00eb mbetet i lir\u00eb nga \u00e7do form\u00eb ndikimi apo vendimmarrjeje nga pal\u00eb t\u00eb treta.<\/em><\/p>\n

M\u00eb tej, d\u00ebshirojm\u00eb t\u00eb theksojm\u00eb arritjen historike sportive t\u00eb kualifikimit t\u00eb komb\u00ebtares s\u00eb Kosov\u00ebs n\u00eb Play-off-in e Kualifikimeve Evropiane p\u00ebr Kampionatin Bot\u00ebror FIFA 2026, si dhe t\u00eb n\u00ebnvizojm\u00eb r\u00ebnd\u00ebsin\u00eb e ruajtjes s\u00eb stabilitetit institucional n\u00eb k\u00ebt\u00eb moment kritik, n\u00eb m\u00ebnyr\u00eb q\u00eb t\u00eb mos rrezikohet zhvillimi dhe suksesi i m\u00ebtejm\u00eb i futbollit n\u00eb Kosov\u00eb.<\/em><\/p>\n

Gjithashtu, ju njoftojm\u00eb se p\u00ebrfaq\u00ebsues t\u00eb FIFA-s dhe UEFA-s do t\u00eb marrin pjes\u00eb dhe do t\u00eb v\u00ebzhgojn\u00eb Kuvendin Zgjedhor t\u00eb FFK-s\u00eb m\u00eb 5 shkurt 2026, p\u00ebr t\u00eb siguruar q\u00eb procesi zgjedhor t\u00eb zhvillohet n\u00eb p\u00ebrputhje me Statutin e FFK-s\u00eb, si dhe me statutet, rregulloret dhe parimet p\u00ebrkat\u00ebse t\u00eb FIFA-s dhe UEFA-s.<\/em><\/p>\n

S\u00eb fundi, duke qen\u00eb se statutet e nj\u00eb Federate an\u00ebtare konsiderohen si nj\u00eb \u201cdokument i gjall\u00eb\u201d q\u00eb k\u00ebrkon ndryshime her\u00eb pas here p\u00ebr t\u00eb ruajtur standarde t\u00eb larta t\u00eb qeverisjes s\u00eb mir\u00eb, pas Kuvendit Zgjedhor, FIFA dhe UEFA do t\u2019ju kontaktojn\u00eb p\u00ebr t\u00eb vler\u00ebsuar \u00e7do ndryshim t\u00eb mundsh\u00ebm t\u00eb m\u00ebtejm\u00eb n\u00eb Statutin e FFK-s\u00eb q\u00eb mund t\u00eb miratohet n\u00eb koh\u00ebn e duhur.<\/em><\/p>\n

Ju fal\u00ebnderojm\u00eb p\u00ebr bashk\u00ebpunimin tuaj dhe mbetemi n\u00eb dispozicionin tuaj p\u00ebr \u00e7do sqarim t\u00eb m\u00ebtejsh\u00ebm q\u00eb mund t\u2019ju nevojitet.<\/em><\/p>\n

Me respekt,<\/em><\/p>\n

FIFA<\/em><\/p>\n

Elkhan Mammadov<\/em><\/p>\n

Shef p\u00ebr Federatat An\u00ebtare<\/em><\/p>\n

UEFA<\/em><\/p>\n

Thierry Favre<\/em><\/p>\n

Drejtor p\u00ebr Zhvillim t\u00eb Federatave Komb\u00ebtare<\/em><\/p>\n