{"id":70182,"date":"2024-11-04T14:21:50","date_gmt":"2024-11-04T14:21:50","guid":{"rendered":"https:\/\/permbledhja.com\/?p=70182"},"modified":"2024-11-04T16:52:40","modified_gmt":"2024-11-04T16:52:40","slug":"vv-shperndane-te-perkthyer-letren-qe-kamala-harris-ua-nisi-shqiptareve-te-amerikes","status":"publish","type":"post","link":"https:\/\/permbledhja.com\/sq\/vv-shperndane-te-perkthyer-letren-qe-kamala-harris-ua-nisi-shqiptareve-te-amerikes\/","title":{"rendered":"VV shp\u00ebrndan\u00eb t\u00eb p\u00ebrkthyer letr\u00ebn q\u00eb Kamala Harris ua nisi shqiptar\u00ebve t\u00eb Amerik\u00ebs"},"content":{"rendered":"

Partia q\u00eb drejton kryeministri Albin Kurti kan\u00eb publikuar n\u00eb faqen zyrtare m\u00eb \u2018facebook\u2019, letr\u00ebn q\u00eb kandidatja demokrate p\u00ebr presidentes t\u00eb SHBA-s\u00eb, Kamala Harris, ka shkruar n\u00eb adres\u00eb t\u00eb komunitetit shqiptar q\u00eb jetojn\u00eb n\u00eb Shtetet e Bashkuara t\u00eb Amerik\u00ebs.<\/strong><\/p>\n

\u201cLetra e hapur e kandidates p\u00ebr Presidente dhe z\u00ebvend\u00ebs Presidentes s\u00eb ShBA-ve, znj. Kamala Harris, p\u00ebr komunitetin shqiptaro-amerikan\u201d,<\/em> thuhet n\u00eb p\u00ebrshkrimin e vendosur nga L\u00ebvizja Vet\u00ebvendosje.<\/p>\n

Sa i p\u00ebrket zgjedhjeve n\u00eb SHBA, lideri i LVV-s\u00eb, Albin Kurti, n\u00eb zgjedhjet e vitit 2020 kishte p\u00ebrkrahur hapur kandidatin demokrat Joe Biden.<\/p>\n

K\u00ebto zgjedhje, Kurti si kryeminist\u00ebr i Kosov\u00ebs s\u2019\u00ebsht\u00eb pozicionuar p\u00ebr asnj\u00ebrin prej kandidat\u00ebve duke th\u00ebn\u00eb se do t\u00eb punoj\u00eb me t\u00eb gjith\u00eb. Megjithat\u00eb me ftes\u00eb t\u00eb Partis\u00eb Demokratike, Kurti si kryeminist\u00ebr ka marr\u00eb pjes\u00eb n\u00eb Konvent\u00ebn Komb\u00ebtare t\u00eb Demokrat\u00ebve.<\/p>\n

Let\u00ebr e hapur p\u00ebr komunitetin shqiptaro-amerikan:<\/p>\n

Shqiptaro-amerikan\u00ebt kan\u00eb dh\u00ebn\u00eb kontribut t\u00eb pa\u00e7muesh\u00ebm p\u00ebr kombin ton\u00eb p\u00ebr gjenerata t\u00eb t\u00ebra, duke shfaqur p\u00ebrkushtim t\u00eb thell\u00eb p\u00ebr familjen, komunitetin dhe rendjen drejt liris\u00eb. Jan\u00eb qindra-mij\u00ebra shqiptaro-amerikan\u00eb q\u00eb jetojn\u00eb n\u00eb Shtetet e Bashkuara, q\u00ebndrueshm\u00ebria e komunitetit t\u00eb s\u00eb cil\u00ebve vazhdon t\u00eb na frym\u00ebzoj\u00eb t\u00eb gjith\u00ebve.<\/em><\/p>\n

Shqiptaro-amerikan\u00ebt kan\u00eb dh\u00ebn\u00eb kontribut t\u00eb thell\u00eb n\u00eb struktur\u00ebn e kombit ton\u00eb, duke pasuruar komunitetet me shpirtin e tyre sip\u00ebrmarr\u00ebs, me vlerat e forta familjare dhe nj\u00eb p\u00ebrkushtim t\u00eb thell\u00eb p\u00ebr edukimin dhe angazhimin shoq\u00ebror. Nga pronar\u00eb t\u00eb vegj\u00ebl biznesesh n\u00eb profesionist\u00eb t\u00eb mjek\u00ebsis\u00eb, ligjit dhe sh\u00ebrbimit publik, shqiptaro-amerikan\u00ebt kan\u00eb luajtur nj\u00eb rol qendror p\u00ebr ekonomit\u00eb lokale dhe forcimin e themelit shoq\u00ebror t\u00eb shum\u00eb qyteteve anemban\u00eb vendit.<\/em><\/p>\n

P\u00ebr m\u00eb shum\u00eb se nj\u00eb shekull \u2013 q\u00eb nga Konferenca e Paqes s\u00eb Parisit pas Luft\u00ebs s\u00eb Dyt\u00eb Bot\u00ebrore \u2013 amerikan\u00ebt dhe shqiptar\u00ebt kan\u00eb pasur nj\u00eb lidhje t\u00eb fort\u00eb. Edhe sot, shqiptaro-amerikan\u00ebt e kujtojn\u00eb q\u00eb kan\u00eb qen\u00eb Shtetet e Bashkuara t\u00eb Amerik\u00ebs ato q\u00eb u kan\u00eb q\u00ebndruar pran\u00eb n\u00eb momente ky\u00e7e p\u00ebr pavar\u00ebsin\u00eb e Shqip\u00ebris\u00eb. Un\u00eb dua t\u00eb konfirmoj partneritetin e fort\u00eb mes Shteteve t\u00eb Bashkuara dhe Shqip\u00ebris\u00eb.<\/em><\/p>\n

Shqip\u00ebria \u00ebsht\u00eb nj\u00eb aleate e pal\u00ebkundur e NATO-s dhe i jam falenderuese Shqip\u00ebris\u00eb p\u00ebr promovimin e stabilitetit n\u00eb rajon dhe p\u00ebr udh\u00ebheqjen e saj me K\u00ebshillin e Siguris\u00eb t\u00eb OKB-s\u00eb gjat\u00eb muajve pas pushtimit brutal rus t\u00eb Ukrain\u00ebs. Shtetet e Bashkuara po ashtu kan\u00eb udh\u00ebhequr aleat\u00ebt dhe partner\u00ebt evropian\u00eb drejt mb\u00ebshtetjes s\u00eb pavar\u00ebsis\u00eb historike dhe sovranitetit t\u00eb Republik\u00ebs s\u00eb Kosov\u00ebs dhe vazhdojn\u00eb t\u00eb mb\u00ebshtesin nj\u00eb Kosov\u00eb multietnike e demokratike, plot\u00ebsisht t\u00eb integruar n\u00eb komunitetin nd\u00ebrkomb\u00ebtar.<\/em><\/p>\n

K\u00ebtu n\u00eb sht\u00ebpi, i kuptoj sfidat e ve\u00e7anta me t\u00eb cilat p\u00ebrballen shum\u00eb pjes\u00ebtar\u00eb t\u00eb komunitetit shqiptaro-amerikan dhe jam e p\u00ebrkushtuar ndaj politikave q\u00eb ngrisin komunitetin shqiptaro-amerikan, ku p\u00ebrfshihen p\u00ebrpjekjet p\u00ebr nj\u00eb ekonomi t\u00eb mund\u00ebsive dhe mbrojtja e t\u00eb drejtave civile t\u00eb t\u00eb gjith\u00ebve. Pjes\u00ebmarrja e shqiptaro-amerikan\u00ebve n\u00eb demokracin\u00eb ton\u00eb \u00ebsht\u00eb m\u00eb e r\u00ebnd\u00ebsishme se kurr\u00eb. Sot ne mund t\u2019i japim form\u00eb nj\u00eb t\u00eb ardhmeje q\u00eb pasqyron vlerat dhe aspiratat tona…<\/em><\/p>\n