{"id":69925,"date":"2024-10-14T18:17:53","date_gmt":"2024-10-14T18:17:53","guid":{"rendered":"https:\/\/permbledhja.com\/?p=69925"},"modified":"2024-10-14T18:17:53","modified_gmt":"2024-10-14T18:17:53","slug":"hoxhaj-kurti-po-hap-rruge-per-agjenden-e-beogradit-po-minon-pavaresine-dhe-po-kercenon-te-ardhmen-e-kosoves","status":"publish","type":"post","link":"https:\/\/permbledhja.com\/sq\/hoxhaj-kurti-po-hap-rruge-per-agjenden-e-beogradit-po-minon-pavaresine-dhe-po-kercenon-te-ardhmen-e-kosoves\/","title":{"rendered":"Hoxhaj: Kurti po hap rrug\u00eb p\u00ebr agjend\u00ebn e Beogradit, po minon pavar\u00ebsin\u00eb dhe po k\u00ebrc\u00ebnon t\u00eb ardhmen e Kosov\u00ebs"},"content":{"rendered":"

Ish-ministri i jasht\u00ebm i Kosov\u00ebs, Enver Hoxhaj, ka kritikuar ashp\u00ebr kryeministrin Albin Kurti p\u00ebr vendimet e marra sot p\u00ebr heqjen e vizave p\u00ebr Bosnj\u00ebn dhe Hercegovin\u00ebn.<\/strong><\/p>\n

Hoxhaj e akuzon Kurtin se vendimi i tij ka leht\u00ebsuar l\u00ebvizjen e serb\u00ebve nga Republika Srpska, duke th\u00ebn\u00eb se Beogradi po ndjehet rehat.<\/p>\n

Ai ka theksuar se ky vendim \u00ebsht\u00eb nj\u00eb kapitullim dhe se Kurti ka dh\u00ebn\u00eb l\u00ebvizje t\u00eb lir\u00eb serb\u00ebve t\u00eb Republika Srpska n\u00eb t\u00eb nj\u00ebjt\u00ebn dit\u00eb kur BE-ja nisi liberalizimin e vizave p\u00ebr serb\u00ebt e Kosov\u00ebs me pasaporta t\u00eb l\u00ebshuara nga Serbia, t\u00eb cilat i paraqesin qytetet e Kosov\u00ebs si pjes\u00eb t\u00eb Serbis\u00eb.<\/p>\n

Hoxhaj, gjithashtu N\u00ebnkryetar i Kuvendit dhe deputet i Partis\u00eb Demokratike t\u00eb Kosov\u00ebs (PDK), ka shprehur shqet\u00ebsimin se pas dor\u00ebzimit n\u00eb CEFTA, Kurti po i n\u00ebnshtrohet bllokad\u00ebs s\u00eb Republik\u00ebs Srpska, pa siguruar l\u00ebvizje t\u00eb lir\u00eb reciproke p\u00ebr Kosov\u00ebn.<\/p>\n

Tutje ka pyetur se si mund t\u00eb justifikohet vendimi i Kurtit p\u00ebr heqjen e regjimit t\u00eb vizave, duke lejuar serb\u00ebt t\u00eb l\u00ebvizin lirsh\u00ebm n\u00eb BE dhe duke legjitimuar pretendimin e Serbis\u00eb mbi qytetet e Kosov\u00ebs.<\/p>\n

Si\u00e7 transmeton Telgrafi, Hoxhaj e ka cil\u00ebsuar k\u00ebt\u00eb vendim si nj\u00eb sulm t\u00eb qart\u00eb ndaj sovranitetit t\u00eb Kosov\u00ebs, duke theksuar se Kurti ka heshtur dhe nuk ka kund\u00ebrshtuar n\u00eb bisedimet e tij n\u00eb tavolinat e majta, t\u00eb cilat kan\u00eb rezerva ndaj shtet\u00ebsis\u00eb s\u00eb Kosov\u00ebs.<\/p>\n

Po ashtu ka akuzuar Kurtin se po hap rrug\u00ebn p\u00ebr agjend\u00ebn e Beogradit dhe po minon pavar\u00ebsin\u00eb e Kosov\u00ebs, duke k\u00ebrc\u00ebnuar t\u00eb ardhmen e saj me politik\u00ebn e dor\u00ebzimit ndaj agjendave evropiane.<\/p>\n

\u201cE gjitha kjo ndodhi duke i dh\u00ebn\u00eb Beogradit nj\u00eb mjet p\u00ebr vet\u00ebmenaxhimin politik t\u00eb popullsis\u00eb serbe n\u00eb Kosov\u00eb, vitin e kaluar n\u00eb vil\u00ebn e Titos n\u00eb Oh\u00ebr. Kurti po hap rrug\u00ebn p\u00ebr agjend\u00ebn e Beogradit, duke minuar pavar\u00ebsin\u00eb e fituar me sakrific\u00eb t\u00eb Kosov\u00ebs dhe duke k\u00ebrc\u00ebnuar t\u00eb ardhmen e saj me politik\u00ebn e dor\u00ebzimit ndaj agjendave t\u00eb majta evropiane\u201d.<\/em><\/p>\n

\u201cJam shum\u00eb krenar q\u00eb kam qen\u00eb un\u00eb ai q\u00eb ka propozuar regjim t\u00eb vizave me Bosnj\u00ebn dhe Hercegovin\u00ebn pasi Repubika Srspka kishte kusht\u00ebzuar t\u00ebr\u00eb shtetin boshnjak q\u00eb t\u00eb merrte nj\u00eb vendim t\u00eb till\u00eb! T\u00eb shoh Kryeministrin Kurti q\u00eb sot pa asnj\u00eb reciprocitet t\u00eb shpall nj\u00eb vendim t\u00eb till\u00eb, \u00ebsht\u00eb gabim shum\u00eb i madh politik, ngaq\u00eb qytetar\u00ebt tan\u00eb do presin para ambasadave t\u00eb Bosnj\u00ebs dhe pse mos t\u00eb presin edhe ata para ambasadave t\u00eb Kosov\u00ebs\u201d<\/em>, shkroi Hoxhaj n\u00eb Facebook.<\/p>\n

\n
\n
\n
\n
\n
\n