{"id":68683,"date":"2024-09-13T14:36:48","date_gmt":"2024-09-13T14:36:48","guid":{"rendered":"https:\/\/permbledhja.com\/?p=68683"},"modified":"2024-09-13T17:14:19","modified_gmt":"2024-09-13T17:14:19","slug":"kurti-vuciqi-ne-koordinim-me-rusine-po-pergatit-kercenime-dhe-ultimatume-te-reja-ndaj-kosoves","status":"publish","type":"post","link":"https:\/\/permbledhja.com\/sq\/kurti-vuciqi-ne-koordinim-me-rusine-po-pergatit-kercenime-dhe-ultimatume-te-reja-ndaj-kosoves\/","title":{"rendered":"Kurti: Vu\u00e7iqi n\u00eb koordinim me Rusin\u00eb po p\u00ebrgatit k\u00ebrc\u00ebnime dhe ultimatume t\u00eb reja ndaj Kosov\u00ebs"},"content":{"rendered":"

Kryeministri, Albin Kurti ka deklaruar se Serbia, n\u00eb bashk\u00ebpunim me Rusin\u00eb, po p\u00ebrgatisin k\u00ebrc\u00ebnime dhe ultimatume t\u00eb reja n\u00eb drejtim t\u00eb Kosov\u00ebs.<\/strong><\/p>\n

P\u00ebrmes nj\u00eb postimi n\u00eb Facebook, Kurti teksa ka num\u00ebruar krimet e Serbis\u00eb n\u00eb luft\u00ebn n\u00eb Kosov\u00eb, ka th\u00ebn\u00eb se pavar\u00ebsisht d\u00ebshmive t\u00eb gjenocidit n\u00eb Kosov\u00eb, kjo nuk po e pengon presidentin e Serbis\u00eb, Aleksandar Vu\u00e7iq, p\u00ebr t\u00eb k\u00ebrc\u00ebnuar s\u00ebrish.<\/p>\n

Postimi i plot\u00eb i Kurtit n\u00eb Facebook:<\/strong><\/p>\n

Vu\u00e7iq n\u00eb koordinim me Rusin\u00eb, mbi varrezat masive, po p\u00ebrgatit k\u00ebrc\u00ebnime dhe ultimatume t\u00eb reja ndaj Kosov\u00ebs<\/em><\/p>\n

25 vjet pas gjenocidit n\u00eb Kosov\u00eb, me 186 masakra, rreth 500 varreza masive n\u00eb Kosov\u00eb, 5 varreza masive n\u00eb Serbi, ku mbet\u00ebn t\u00eb vrar\u00eb mbi 13 mij\u00eb njer\u00ebz (1392 f\u00ebmij\u00eb; 1739 gra; 1882 t\u00eb moshuar), rreth 20 mij\u00eb gra e vajza t\u00eb dhunuara dhe keqtrajtuara, dhjet\u00ebra mij\u00ebra qytetar\u00eb t\u00eb persekutuar, mbi 860 mij\u00eb t\u00eb d\u00ebbuar nga Kosova dhe qindra mij\u00ebra t\u00eb tjer\u00eb q\u00eb nga malet shihnin qysh po ju pla\u00e7kiten e digjen sht\u00ebpit\u00eb (gjithsej 119,855 sosh), dhe ende 1595 persona t\u00eb zhdukur me dhun\u00eb, qindra familje q\u00eb jetojn\u00eb me ankth e dhembje, nd\u00ebrsa i mban\u00eb t\u00eb fshehura informacionet p\u00ebr vendndodhjen e t\u00eb pakt\u00ebn 11 varrezave masive brenda territorit t\u00eb saj, Serbia e drejtuar nga ministri i Millosheviqit, n\u00eb bashk\u00ebpunim me Rusin\u00eb, po p\u00ebrgatitin k\u00ebrc\u00ebnime dhe ultimatume t\u00eb reja n\u00eb drejtim t\u00eb Kosov\u00ebs.<\/em><\/p>\n

Serbia flen\u00eb mbi varreza masive nga gjenocidi i kryer n\u00eb Kosov\u00eb. 950 civil\u00eb t\u00eb paarmatosur u masakruan, ua rr\u00ebmbyen kufomat dhe i fut\u00ebn n\u00eb varreza masive n\u00eb Serbi, p\u00ebrfshir\u00eb k\u00ebtu kamion\u00eb frigorifer\u00eb q\u00eb dol\u00ebn nga fundi i liqeneve atje. D\u00ebshmit\u00eb e gjenocidit jan\u00eb t\u00eb fresk\u00ebta gjithandej n\u00eb Kosov\u00eb e Serbi, por kjo nuk po e pengon Presidentin e Serbis\u00eb p\u00ebr t\u00eb k\u00ebrc\u00ebnuar s\u00ebrish.<\/em><\/p>\n

N\u00eb vend q\u00eb Serbia:<\/em><\/p>\n

\u25aa\ufe0ft\u00eb pendohet p\u00ebr krimet, t\u00eb k\u00ebrkoj\u00eb falje p\u00ebr to dhe t\u00eb mos i mohoj\u00eb ato;<\/em><\/p>\n

\u25aa\ufe0ft\u2019i hap\u00eb arkivat e luft\u00ebs t\u00eb policis\u00eb dhe ushtris\u00eb jugosllave, sidomos t\u00eb brigad\u00ebs s\u00eb motorizuar 37;<\/em><\/p>\n

\u25aa\ufe0ft\u00eb paguaj\u00eb d\u00ebmshp\u00ebrblimet;<\/em><\/p>\n

\u25aa\ufe0ft\u00eb bashk\u00ebpunoj\u00eb p\u00ebr t\u00eb vendosur drejt\u00ebsi p\u00ebr viktimat e gjenocidit;<\/em><\/p>\n

\u25aa\ufe0ft\u00eb angazhohet p\u00ebr pajtim e paqe duke reflektuar mbi p\u00ebrgjegj\u00ebsin\u00eb q\u00eb ka;<\/em><\/p>\n

ajo ka zgjedhur an\u00ebn e kund\u00ebrt, duke p\u00ebrs\u00ebritur k\u00ebrc\u00ebnimet dhe ultimatumet, ndaj Kosov\u00ebs dhe qytetar\u00ebve t\u00eb saj, n\u00eb bashk\u00ebpunim dhe koordinim t\u00eb af\u00ebrt me Rusin\u00eb. Krimet makabre q\u00eb Serbia para 25 vjet\u00ebve i kreu n\u00eb Kosov\u00eb, sot po p\u00ebrs\u00ebriten nga Rusia n\u00eb Ukrain\u00eb dhe po synohen q\u00eb t\u00eb kthehen prap\u00eb n\u00eb rajonin e Ballkanit.<\/em><\/p>\n

Qasja e pushtetit n\u00eb Serbi ndaj Kosov\u00ebs \u00ebsht\u00eb tejet d\u00ebshp\u00ebruese. Fillimisht u normalizua pand\u00ebshkueshm\u00ebria dhe fushatat propaganduese. E tash po synohen t\u00eb normalizohen sulmet paramilitare dhe terroriste (Banjska, 24 shtator 2023), k\u00ebrc\u00ebnimet dhe ultimatumet, t\u00eb cilat arsyetohen me lajme t\u00eb rrejshme dhe fushata dezinformuese, para syve t\u00eb bot\u00ebs demokratike.<\/em><\/p>\n

Sot, Kosova \u00ebsht\u00eb m\u00eb e fort\u00eb se kurr\u00eb m\u00eb par\u00eb, nuk trembet nga k\u00ebrc\u00ebnimet. Ne mbrojm\u00eb t\u00eb gjith\u00eb qytetar\u00ebt tan\u00eb dhe lirit\u00eb e t\u00eb drejtat e tyre, integritetin territorial dhe sovranitetin shtet\u00ebror t\u00eb vendit ton\u00eb, progresin demokratik e socio-ekonomik t\u00eb popullit dhe institucioneve tona. Mir\u00ebpo, kjo q\u00eb po ndodh\u00eb aktualisht, tregon se sa larg \u00ebsht\u00eb Serbia nga vlerat demokratike dhe njer\u00ebzore dhe sa e mish\u00ebruar mbetet me gjenocidin e kryer n\u00eb vitet e \u201890-ta.<\/em><\/p>\n