{"id":60166,"date":"2024-05-04T21:42:16","date_gmt":"2024-05-04T21:42:16","guid":{"rendered":"https:\/\/permbledhja.com\/?p=60166"},"modified":"2024-05-04T21:42:16","modified_gmt":"2024-05-04T21:42:16","slug":"agk-sulmet-e-dimal-bashes-ndaj-gazetareve-te-rrezikshme-po-synon-disiplinimin-e-agk-se-dhe-rtk-se-nga-shteti","status":"publish","type":"post","link":"https:\/\/permbledhja.com\/sq\/agk-sulmet-e-dimal-bashes-ndaj-gazetareve-te-rrezikshme-po-synon-disiplinimin-e-agk-se-dhe-rtk-se-nga-shteti\/","title":{"rendered":"AGK: Sulmet e Dimal Bash\u00ebs ndaj gazetar\u00ebve t\u00eb rrezikshme, po synon disiplinimin e AGK-s\u00eb dhe RTK-s\u00eb nga shteti"},"content":{"rendered":"

Asociacioni i Gazetar\u00ebve ka reaguar s\u00ebrish ndaj deputetit Dimal Basha, i cili edhe sot vazhdoi gjuh\u00ebn nxit\u00ebse ndaj gazetar\u00ebve.<\/strong><\/p>\n

AGK thot\u00eb se Basha tregon hapur tendenc\u00ebn p\u00ebr t\u00eb treguar se \u00e7ka konsiderohet prioritet p\u00ebr t\u2019u raportuar nga RTK.<\/p>\n

\u201cN\u00eb reagimin e ri pas intimidimit q\u00eb b\u00ebri ndaj gazetares s\u00eb RTK-s\u00eb, Basha, e tregon hapur tendenc\u00ebn p\u00ebr t\u00eb kontrolluar p\u00ebrmbajtjen editoriale t\u00eb Transmetuesit Publik, duke nd\u00ebrhyr\u00eb n\u00eb at\u00eb se \u00e7ka konsiderohet prioritet p\u00ebr t\u2019u trajtuar dhe p\u00ebr t\u2019u raportuar. Ngjash\u00ebm vepron edhe me AGK-n\u00eb, kur provon t\u00eb tregoj\u00eb se \u00e7far\u00eb duhet t\u00eb b\u00ebj\u00eb dhe si duhet t\u00eb sillet e t\u00eb veproj\u00eb\u201d.<\/em><\/p>\n

Asociacioni i Gazetar\u00ebve thot\u00eb se mbrojn\u00eb t\u00eb drejtat e gazetar\u00ebve derisa sipas tyre p\u00ebr shkelje t\u00eb etik\u00ebs nga k\u00ebta t\u00eb fundit ka organe ku duhet t\u00eb raportohen.<\/p>\n

\u201cAGK-ja, e ka p\u00ebr mision primar mbrojtjen e t\u00eb drejtave dhe lirive t\u00eb gazetar\u00ebve, dhe reagon kur k\u00ebto t\u00eb drejta e liri, cenohen e shkelen. Teksa, lidhur me shkeljet e mundshme t\u00eb Kodit t\u00eb Etik\u00ebs, \u00e7do qytetar i Republik\u00ebs s\u00eb Kosov\u00ebs, duke p\u00ebrfshir\u00eb deputet\u00ebt, mund t\u2018i drejtojn\u00eb ato tek organi vet\u00ebrregullues KMShK p\u00ebr mediet online, dhe tek KPM p\u00ebr televizione dhe radio\u201d.<\/em><\/p>\n

AGK-ja ka ftuar s\u00ebrish deputetin Basha q\u00eb t\u00eb p\u00ebrmbahet nga \u201cseria e sulmeve, si ndaj AGK-s\u00eb, ashtu edhe ndaj medieve\u201d, duke e p\u00ebrfshir\u00eb Transmetuesin Publik, RTK.<\/p>\n

\u201cAludimi i serish\u00ebm i z. Basha se si AGK ashtu edhe RTK u sh\u00ebrbejn\u00eb interesave t\u00eb presidentit serb, Aleksandar Vuciq, \u00ebsht\u00eb krejt\u00ebsisht i pabazuar e i papranuesh\u00ebm, por mbi t\u00eb gjitha shum\u00eb i rreziksh\u00ebm. Gjuha e till\u00eb, e vazhdueshme sikur kjo e z.Basha dhe eksponent\u00ebve t\u00eb tjer\u00eb t\u00eb partis\u00eb n\u00eb pushtet, kan\u00eb kontribuar q\u00eb Kosova t\u00eb bie kaq shum\u00eb n\u00eb nivelin e respektimit t\u00eb liris\u00eb s\u00eb medies, sikurse e ka konstatuar raporti i fundit i Reporter\u00ebve pa Kufij\u201d<\/em>, thuhet tutje n\u00eb reagim.<\/p>\n