Policia e Kosovës ka raportuar për një rast të dhunës në familje që ka ndodhur në Rahovec, të premten rreth orës 01:00.
Sipas raportit, një mashkull kosovar është arrestuar pasi në gjendje të dehur dyshohet se ka dëmtuar e thyer disa gjësende brenda shtëpisë. I njëjti ka thyer edhe telefonin e tij dhe të bashkëshortes, e cila kishte urdhër mbrojtës.
Policia bën të ditur se i dyshuari po ashtu dyshohet se e ka sulmuar fizikisht dhe e ka kanosur viktimën, ndërsa gruaja ka arritur të shmangë rrezikun duke u strehuar në shtëpinë e djalit të saj.
Të dy palëve u është ofruar tretman mjekësor, ndërsa me urdhër të prokurorit, i dyshuari është dërguar në mbajtje.