Zv.Drejtori i Policisë së Kosovës për rajonin e Veriut, Veton Elshani, në një përgjigje për Gazetën Express ka dhënë detaje shtesë lidhur me thasët me rërë që janë gjetur në katin e tretë të një objekti publik në komunën e Zveçanit.
Elshani ka thënë se këta thasë me rërë janë shfrytëzuar në kohën e barrikadave nga pjesëtarët e organizatave terroriste “Mbrojtja Civile” dhe “Brigada e Veriut”.
Pamjet nga thasët e mbushur me rërë që Policia i gjeti në një objekt në Zveçan i cili përdorej nga organizatat terroriste “Mbrojtja Civile” dhe “Brigada e Veriut” të ciliët kishin plan të sulmonin Policinë e Kosovës.
Zv.Drejtori Elshani ka thënë se thasët janë përdorur si llogore për të sulmuar Policinë e Kosovës dhe për të mbrojtur barikadën dhe për të kontrolluar rrugën kryesore që çon për Zveçan.
“Policia e Kosovës ka pranuar informacione se ne një objekt publik ne komunën e Zveçanit, ka disa gjera materiale te cilat janë shfrytëzuar nga grupet terroriste serbe ne kohen e barrikadave.
Sot, gjate kontrolleve qe ka bere policia ka konstatuar se ne katin e trete te kësaj ndërtese janë dhjetëra thasë te mbushur me rërë qe kane qene si istikame per te sulmuar Policine dhe ne mbrojtje te barikades dhe kontrollimit te rruges kryesore qe te dergon ne Zveçan.
Ky objekt publik eshte shfrytezuar nga pjestaret e organizatave terroriste si Mbrojtja Civile dhe Brigada e Veriut”, ka potencuar Elshani.
Ai thotë se kjo tregon që grupet kriminale kanë qenë të armatosura rëndë dhe kanë pasur plane të sulmojnë Policinë e Kosovës nëse do të largonte barrikadat.
