Ambasadori i Shteteve të Bashkuara të Amerikës në Kosovë, Jeff Hovenier dhe nënsekretarja e Departamentit të Shtetit për Diplomacinë Publike, Elizabeth Allen vizituan zonën arkeologjike në Dresnik.
Gjatë vizitës, Hovenier e quajti “përvojë të mrekullueshme” shpalosjen e trashëgimisë së Kosovës.
Ai më tej deklaroi se kjo u mundësua nga Fondi i Ambasadorëve për Ruajtje të Trashëgimisë Kulturore.
“Përvojë e mrekullueshme të shoh trashëgiminë e pasur dhe të larmishme të kulturore të Kosovës. Krahas Nënsekretares së Departamentit të Shtetit për Diplomacinë Publike dhe Çështjet Publike Liz Allen, shpalosëm disa mozaikë mbresëlënës romakë dhe vizituam zonën arkeologjike të Dresnikut, e gjithë puna e mundësuar nga projekti ynë i Fondit të Ambasadorëve për Ruajtjen e Kulturës (AFCP)”, është shprehur ambasadori amerikan.