Pas një beteje të gjatë dhe të vështirë me një tumor në kokë, Genta Krasniqi sot po kthehet në Kosovë, duke shënuar një moment gëzimi për familjen dhe të gjithë ata që e mbështetën gjatë kësaj periudhe sfiduese.
Rrugëtimi i saj nuk ishte i lehtë. Ai u shoqërua me dhimbje, lot dhe pasiguri, por mbi të gjitha me shpresë dhe besim për shërim. Sot, buzëqeshja e Gentës konsiderohet si fitorja më e madhe pas një përballjeje të rëndë me sëmundjen.
Kthimi i saj në atdhe përbën një moment të shumëpritur, pasi do të ribashkohet me motrat dhe vëllezërit e saj, të cilët kanë qenë mbështetje e vazhdueshme gjatë gjithë kësaj kohe.
Familjarët kanë shprehur mirënjohje të thellë për të gjithë shqiptarët që kontribuuan me lutje dhe ndihmë financiare, duke u bërë pjesë e përpjekjes për shërimin e saj. Një falënderim i veçantë u është adresuar edhe stafit mjekësor, i cili me profesionalizëm dhe përkushtim arriti ta kthejë një periudhë dhimbjeje në një histori shprese.
Genta pritet të vazhdojë fazën e rikuperimit përmes fizioterapisë, me urimin për shërim të plotë dhe rikthim sa më të shpejtë në jetën e përditshme.
Ndryshe, Gentiana u përball me një sëmundje të rëndë – tumor në kokë, që kërkoi trajtim të specializuar jashtë vendit në Turqi. Ajo do të vazhdojë rikuperimin përmes fizioterapisë, me shpresën për shërim të plotë.