Instituti Hidrometeorologjik i Kosovës ka bërë të ditur se edhe gjatë ditës së sotme parashihen shumë orë me diell.
Vranësirat do të shfaqen më shumë në relievet malore, ku atje nuk përjashtohet mundësia për ndonjë rigë të izoluar.
“Temperaturat minimale gjatë kësaj periudhe pesëditëshe do të lëvizin ndërmjet 8-12 gradë Celsius, ndërsa maksimalet e ditës parashihen të lëvizin ndërmjet 21-29 gradë Celsius. Era do të vazhdoj ta mbaj drejtimin e veriut dhe verilindjes, e lehtë dhe mesatare”, thuhet në njoftimin e IHMK-së.
