Kryetari i Rahovecit, Smajl Latifi sot, bashkë me Ministrin e Mjedisit, Planifikimit Hapësinor dhe Infrastrukturës, Liburn Aliu, ka nënshkruar një aneks memorandum mirëkuptimi, për vazhdimin e bashkëfinancimit të projektit: “Rregullimi i shtretërve të lumenjve në fshatrat Hoçë e Madhe, Brestoc, Hoçë e Vogël, Nagac dhe Krushë e Madhe”.
Sipas Latifit, me anë të kësaj marrëveshjeje, MMPHI, për këtë vit do të sigurojë mjete në vlerë 60,000 € për realizimin e këtij projekti.
“Poashtu, diskutuam për nevojën e bashkëpunimit në projekte të tjera në interes të qytetarëve të komunës së Rahovecit, e që ndërlidhen me Ministrinë e Mjedisit, Planifikimit Hapësinor dhe Infrastrukturës. Falënderoj Ministrin Aliu, për këtë marrëveshje dhe investimet e Ministrisë në Komunën e Rahovecit!”, ka shkruar Latifi.