Lideri i Nismës, Fatmir Limaj, është në negociata me Lidhjen Demokratike të Kosovës, për mundësinë e ndonjë koalicioni parazgjedhor.
Kështu kanë bërë të ditur burime të gazetares së Klan Kosovës, Qëndresa Tërshani.
Lidhur me këtë, në një konferencë për media, deputeti i Lidhjes Demokratike të Kosovës, Armend Zemaj konfirmoi se ka pasur bisedime mes kryetarit të partisë Lumir Abdixhiku, dhe kreut të NISMA-s, Fatmir Limaj.
Sipas tij ka pasur bisedime parimore duke mos përjashtuar edhe ato teknike.
“Ka pasur bisedime parimore, nuk them që nuk ka pasur edhe teknike, por janë në përmbajtjen e asaj që ka thënë vet kryetari i LDK-së, pas takimit të kryesisë”, u shpreh Zemaj.