Kryetari i AAK’së, Ramush Haradinaj, ka kujtuar protestat e 11 marsit në vitin 1981.
Ai ka thënë se këto protesta dridhën themelet e regjimit serb.
Haradinaj tha se rinia heroike shqiptare e frymëzuar nga ideali i protestueve në vitin 1981 do të shkëlqente në istikamet e Luftës Çlirimtare që solli fitoren dhe çlirimin.
“Ishte 11 Marsi i vitit 1981 kur studentët e Universitetit të Prishtinës u ngritën kundër shtypjes jugosllave, duke dridhur themelet e regjimit të atëhershëm. Sot nderojmë ata që i dhanë grushtin shtypjes jugosllave, nderojmë të rënët e atyre ditëve të lavdishme të historisë sonë. Rinia heroike shqiptare, e frymëzuar nga ideali i protestuesve të vitit 1981, do shkëlqente në istikamet e Luftës Çlirimtare, e cila e solli fitoren dhe çlirimin”, ka shkruar Haradinaj.