Ish deputeti i AAK-së, Shemsedin Dreshaj, ka folur lidhur me zgjedhjet e parakohshme që do të mbahen më 28 dhjetor.
Ai është shprehur se prritet që të jenë ndër zgjedhjet me pjesëmarrjen më të madhe të votuesve dhe po ashtu ndër më të tensionuarat.
Dreshaj në një prononcim për GazetaBlic tha se Lëvizja Vetëvendosje do të shënoj rënie, ndërsa opozita përveç që do të ruaj votën do të shënoi edhe rritje.
“Elektorati kosovar, thellë jam i bindur, se është ngopur me VV-në dhe me menaxhimin e vendit përmes premtimeve e krizave si vendore ashtu edhe ndërkombëtare. Zgjedhjet e 28 dhjetorit 2025 ka gjasë të jenë zgjedhjet me pjesëmarrjen më të madhe të votuesve dhe, me gjasë, edhe më të tensionuarat”.
“Unë besoj se blloku ish-opozitar jo vetëm që do ta ruajë votën, por edhe do të shënojë rritje, ndërsa VV, sipas meje, do të shënojë rënie”.
Tutje ai shtoi se shpërndarja e subvencioneve për kategori të ndryshme në muajt e fundit nga Qeveria në detyrë, është veprim për blerje të votës, si dhe etiketimet e pabazuara “patriotik” dhe pro-serb” i shërbyen kauzës së tyre.
“Kur e them këtë, e bazoj në zhvillimet politike të këtij viti, tensionet politike e sociale në vend dhe veprimet e fundit të qeverisë në detyrë. Etiketimet e pabazuara ndaj bllokut politik në “patriotik” dhe “pro-serb” po ashtu i shërbejnë kësaj kauze. Shpërndarja e parasë publike për kategori të ndryshme sociale në muajt e fundit paraqet një hap drejt orientimit të votës në masë”.“Dështimi në promovimin dhe avancimin e vendit në arenën ndërkombëtare, si edhe mungesa e implementimit të agjendës zhvillimore vendore, janë veçori të qeverisjes së fundit”.
“Sa do t’ua mjegullojnë këto veprime mendjen qytetarëve më 28 dhjetor, në ditën e votimeve, mbetet të shihet”– përfundoi Dreshaj.