Kosova sot do të garojë me tre sportistë në kuadër të Lojërave Mesdhetare që po mbahen në Oran të Algjerisë.
Dy garues do të jenë në atletikë, ndërsa një tjetër në Taekwondo, transmeton lajmi.net.
Bëhet fjalë për Alaudin Suma (atletikë), Diellza Bakraçi (atletikë) dhe Arbër Azemi (Taekwondo).
Aktualisht, ekipi kosovar ka arritur të koleksionojë hiç më pak se gjashtë medalje në këto lojëra, duke u renditur në vendin e 11.
