Këngëtarja e njohur turke bëri një deklaratë të papritur për origjinën e saj gjatë një intervistë me gazetarin Yusuf Emini.
Këngëtarja e njohur turke, Simge Sağın, ka befasuar ndjekësit e saj duke folur hapur për rrënjët e saj gjatë një video-interviste me gazetarin me origjinë nga Gostivari, Yusuf Emini.
Në një seri pyetjesh spontane, Simge shprehu me krenari se është shqiptare dhe se familja e saj vjen nga Peja, në Kosovë.
Simge Sağın nuk është një emër i panjohur për publikun turk dhe ndërkombëtar. Ajo gëzon famë të jashtëzakonshme, ndërsa projektet e saj muzikore kanë thyer kufijtë e tregut vendor.
Këngët e saj në YouTube numërojnë miliona shikime, duke e renditur në mesin e artisteve më të dëgjuara të skenës turke.