Pas disa ditësh trajtim në Qendrën Klinike Universitare të Kosovës, në orët e para të ditës së sotme ka humbur jetën personi që u aksidentua në rrugën ‘Tirana’ në Gjakovë.
Viktima nuk arriti t’iu bëjë ballë plagëve dhe fatkeqësisht humbi jetën.
Burimet brenda Emergjencës kanë bërë me dije se bëhet fjalë për Fejz Thaqin, rreth 65 vjeçar, i cili po trajtohej në QKUK nga 5 tetori.
Siç mëson Sinjali, i njëjti ishte vetkasidentuar mbrëmjen e së enjtes në Gjakovë dhe më pas ishte dërguar me urgjencë në spital.
Lajmin për vdekjen e tij e ka konfirmuar edhe Policia Rajonale në Gjakovë, me ç’rast është bërë e ditur se trupi i pajetë i është liruar familjes Thaqi.
“Rr. Tirana , Gjakovë/05.10.2023-23:05. Është raportuar se si pasoj e aksident trafiku që kishte ndodhur me datën e lartëcekur, i cili ishte duke u trajtuar në QKUK sot me 08.10.2023 kishte ndërruar jetë. Me vendim të prokurorit, trupi i pajetë i është liruar familjarëve për ceremoni mortore.”