Sot janë bërë një muaj prej kur Ministria e Tregtisë ka nisur së zbatuari një masë për rregullimin e çmimeve të derivateve duke vendosur çmimin “tavan”.
Këtë po e sheh si sukes MINT që së fundmi ka publikuar edhe një komunikatë, ku paraqitet diferenca në çmimin e naftës prej 26 cent më lirë, krahasuar me muajin e kaluar derisa me benzinën 40 cent.
https://permbledhja.com/tragjike-vdes-ne-slloveni-26-vjecari-nga-kosova-dyshohet-se-u-mbyt-ne-liqen/
Njoftimi i plotë:
Qeveria Kurti ka prioritet mbrojtjen e konsumatorit dhe mbështetjen e bizneseve vendore përmes rregullimit të tregut tonë.
Ministria e Industrisë, Ndërmarrësisë dhe Tregtisë me masat dhe veprimet e ndërmarra kundrejt rritjes së çmimeve në sektorin e naftës, ka dhënë efekte të menjëhershme dhe rezultate pozitive për qytetarët tanë.
Prandaj, masat në vijim për Rregullimin e Çmimeve të Produkteve të Naftës dhe Karburanteve të Ripërtërishme dhe Masat e tjera Mbrojtëse, do të merren sipas evidencës së inspektimeve me gjetje nga Inspektorati i Tregut në nivel qendror dhe komunal në bashkëpunim me Administratën Tatimore të Kosovës dhe Doganën e Kosovës, në bashkëpunim të afërt me bizneset e naftës me shoqatën e tyre përkatëse, në konsultim të afërt me Autoritetin e Konkurrencës dhe konsumatorët.
Ne jemi të përkushtuar që në tregun e Republikës së Kosovës të kemi karburante cilësore, konkurrencë të drejtë dhe mbrojtje të konsumatorit, me synim të ruajtjes së sigurisë shtetërore, shëndetit publik dhe mjedisit.
