Milan Radoiçiq ka dhënë dorëheqje nga pozita e nënkryetarit të Listës Serbe.
Këtë e ka konfirmuar para pak çastesh presidenti serb, Aleksandar Vuçiq për televizionin spanjoll, përcjell lajmi.net.
Mes tjerash, i pari serb, Vuçiq ka shfrytëzuar rastin që të propagandojë sërish, duke thënë se frikësohet nga Kurti e Osmani.
“Nuk e di nëse ajo që ndodhi ishte një pikë kthese. Jam shumë i shqetësuar sepse e di sa agresivë janë Albin Kurti dhe Vjosa Osmani. Sidomos kur besojnë se kanë shumë mbështetje nga një pjesë e komunitetit ndërkombëtar dhe kjo më shqetëson dhe më tremb”, tha Vuçiq.